Consellos para establecer un hábito de estudo
Cando falamos de estudo, en nenas e nenos de Ed. Primaria, estamos a falar non só das tarefas, se non de todas as actividades referidas ao traballo escolar como repasos e estudo de distintos temas, traballos, lecturas, consultas en internet,…. Sempre hai algo que traballar. Se non hai tarefas haberá que repasar leccións, facer exercicios a modo de práctica,….
O estudo é necesario para o normal desenvolvemento da aprendizaxe. Creando un hábito de estudo facilitamos a aprendizaxe no presente e preparamos ao alumnado para afrontar os estudos que realicen no futuro, que requiren de máis tempo pola súa dificultade.
Onde estudar? |
Cando estudar? |
Como crear o hábito? |
Canto tempo? |
Que estudar? |
Preferiblemente no mesmo lugar.
Non pode haber distraccións ao seu alcance. É moi difícil estudar ou facer unha tarefa que require concentración ao mesmo tempo que ollamos para a televisión, por exemplo. |
Preferiblemente sempre á mesma hora.
Un bo momento é entre as 17 e as 19 horas. Deixando un tempo de descanso despois de comer e evitando rematar moi tarde.
|
Os 15 minutos anteriores ao estudo evitar realizar actividades excitantes.
Establecer un pequeno ritual antes de comerzar, como por o material que se precisa, revisar a axenda para ver o traballo que se precisa facer, despexala mesa de traballo,…
Evitar as interrupcións, especialmente durante os primeiros 10 ou 15 minutos.
Dependendo da persoa, pode ser moi aconsellable “visitar” á nena ou neno para “supervisar” o traballo e animalo a que continúe.
Insistir na importancia de intentar realizar as tarefas. Apréndese máis do que se fai mal que do que NON se fai. |
Con alumnado que teña pouco hábito de estudo comezar durante dúas semanas con 30 minutos diarios reais. A partir da segunda semana aumentar o tempo progresivamente. Para alumnado de 3º e 4º é xeralmente aceptado adicar entre 45 minutos e unha hora diaria, como norma xeral, dependendo dos distintos procesos e ritmos de aprendizaxe. É dicir, é necesario ter en conta as necesidades de cada un. |
- Tarefas non rematadas na aula.
- Tarefas de reforzo.
- Repaso do explicado na aula.
- Estudo.
A lectura non debe ser percibida como tarefa. É algo para facer no tempo de lecer, NON unha penosa actividade escolar. |
